Obradoiro de fotografía “Xenero e Diversidade” no centro LGTBIQ+ “Espazo Diverso” da Coruña

OBRADOIRO DE FOTOGRAFÍA “XÉNERO E DIVERSIDADE: Diálogos e aprendizaxes a través da imaxe” organizado polo Espazo municipal das Diversidades Sexuais e Identidades de Xénero do Concello de A Coruña.

Datas: todos os xoves dende o 29 DE OUTUBRO ata 10 DE DECEMBRO

Formato presencial para poder participar precisas de inscripción previa, o prazo comeza o 8 de outubro (+info no propio cartaz)

Durante 7 sesións de dúas horas os xoves de 18:30 a 20:30 aprenderemos a analisar as imaxes cun ollar crítico e transformador, os principios básicos do manexo da cámara fotográfica, sexa esta a cámara dun mobil ou máis complexa, e a crear as nosas propias narrativas visuais ao mesmo tempo que dialogamos sobre un mundo real e diverso onde todas, todes e todos estamos presentes.

Para ffotoeduca é un pracer ter a oportunidade de participar deste proxecto e espero que nos vexamos mui prontiño para ollar e facer imaxes xuntes.

Inscripcións e informacións en 981 189 889 – espazodiverso@coruna.es

Escola de Verán ffotoeduca 2020 aberta!

Ábrese a Escola de Verán 2020 co curso online “A través dos ollos das mulleres”.

Abordaremos o traballo de catro mulleres fotógrafas dende a perspectiva da observación da identidade das outras e da propia. Veremos como as fronteiras entre o “eu”, o “vós” e o “nós” poden ser marcadas e diluídas nunha mesma imaxe.

Esta formación está dirixida tanto para persoas con coñecimentos previos na fotografía como as que se aproximan a esta disciplina por primeira vez, e o queiran facer dunha perspectiva crítica e feminista.

O curso inicará o 27 de xullo e finalizará o 4 de setembro de 2020, deixando dúas semanas máis de acceso libre, até o 20 de setembro, para todas as alunas.

Programa do curso:

Semana 1 – Unidade 1: As mulleres galegas de inícios do s.XX

Semana 2 – Unidade 2: Memoria e diáspora

Semana 3 – “Catch-up/Poñerse ao día” e Café Virtual 1

Semana 4 – Unidade 3: A propiedade do corpo

Semana 5 – Unidade 4: A coletividade documentada

Semana 6 – “Catch-up” e Café Virtual 2

Semanas 7 & 8 – Aceso libre e avaliación

Cada unidade consta de catro partes: leitura de imaxes e reflexión individual, teoría e historia, tarefas teorico-prácticas, e espazo de visualización e leitura coletiva.

Cada dúas unidades faremos un Café Virtual, a través de videoconferencia, onde nos poderemos coñecer e compartir as opinións, dúbidas e experiencias sobre as mesmas.

Tes dúas opcións para seguir o curso:

A. Acompañada : 40€ – non mixto

Este vai ser un formato semi-tutorizado, en que seguiremos un camiño conxunto, coa posibilidade de compartir impresións e experiencias, e ter un feedback grupal regular.

Inclúe 2 cafés virtuais de hora e media, a feedback e apoio durante as 4 unidades do curso, xestionando as imaxes e comentarios para ser compartidos co grupo.

No final da formación, e tendo completado un mínimo do 75% da mesma, darase un certificado de participación, expedido por ffotoeduca.

Está dirixido a mulleres

B. Autónoma : 25€ – mixto

Para quen prefira simplemente ter acceso aos materiais e traballalos pola súa conta, pode facelo asinando por esta opción.

Neste formato haberá recordatorios semanais sobre as unidades e progreso recomendado do curso, e a aluna poderá deixar comentarios nos espazos disponibeis do blog.

Porén, o resto de servizo de acompañamento, feedback, cafés virtuais e certificado non estarán incluídos. No caso da aluna querer acceder a algún deles poderá consultar prezos e condicións coa formadora.

Está dirixido a todas as identidades de xénero

Podes inscribirte xa enchendo este FORMULARIO

Un novo camiño

Souben nese momento que nacera ffotoeduca, aínda sen nome e sen saber como e onde ía encaixar, mas aí estaba con claridade e para ser xa parte da miña vida.

“I am rooted, but I flow”

Virginia Woolf (1882 – 1941)

No ano 2009 iniciei o ffotoeduca, e foi coa xenerosidade dunha coletividade feminista que nos xuntamos nos montes galegos para pasar 2 días coñecéndonos e aprendendo as unhas das outras.

Só pensei en qué podería eu dar a ese grupo de mulleres, que sacan enerxía de onde non parece haber, para facer o máis revolucionario deste mundo en que vivimos, darnos tempo a nós e a nós coas outras.

Levaba dous anos na Galiza mui activa no movemento feminista, depois de outros dez no Reino Unido onde sempre traballei do que puden, onde por necesidade aprendín inglés, e onde comecei a interesarme polas humanidades, terminando estudando unha licenciatura de fotografía documental e un posgrau de educación secundaria.

O que podía dar era algo creado dos meus principais intereses que eran, e continúan a ser, o feminismo, a fotografía e a educación.

Tomando como referencia à Jo Spence, a quen tanto lle debo sen ter tido a fortuna de a coñecer, e de muitas outras e outros que me abriron as portas a unha outra maneira de aprender e ensinar, deseñei o que sería o primeiro obradoiro de ffotoeduca.

No inicio do mesmo as compañeiras mostraranse inseguras coas cámaras, esta cousa das mulleres e tecnoloxía e da propia imaxe: “Eu non me dou ben coas cámaras. Saio mui mal…”. Mas no final eu tiña desaparecido como formadora e vía grupos de mulleres a facerse fotos as unhas às outras sen calquera control. Unha fermosura.

Na posta final cando nos mostramos as fotos as caras mudaran e se lles oía dicir con orgullo. “Pensei que non sería capaz pero fíxeno. Gostei de que me fixeran fotos, de xogar, sentínme segura”

Souben nese momento que nacera ffotoeduca, aínda sen nome e sen saber como e onde ía encaixar, mas aí estaba con claridade e para ser xa parte da miña vida.

Agora, coa apertura deste blogue ábrese unha vía nova dun proxecto do que me sinto orgullosa e ilusionada, como aquela primeira vez. Espero que me acompañedes neste continuar do camiño

Mariola Mourelo