Encontros para ollar con calma
Fotografía Devagar é un curso de iniciación á fotografía pensado para aprender sen presa, desde a práctica, a observación e o compartir.
É unha proposta para persoas que:
- non teñen experiencia previa en fotografía,
- queren volver ás bases,
- ou buscan aprender fotografía con calma, fóra da lóxica da produtividade e da perfección.
Durante catro encontros traballaremos o ollar a través da cámara, a luz, a composición e o tempo, con exercicios sinxelos, práctica guiada e espazos de posta en común das imaxes. A fotografía enténdese aquí non só como técnica, senón tamén como experiencia compartida e proceso de aprendizaxe colectiva.
O curso está inspirado no enfoque de ffotoeduca, onde a fotografía é ferramenta educativa, espazo de encontro e medio para pensar xuntas desde o visual.
ADVERTENCIA: Este curso non ten como obxectivo sair como unha fotógrafa/o con técnica profesional. De cada área aprenderemos dicas básicas que se poden aplicar no día a día. Priorizarase utilizar a técnica para apoiar o disfrute do acto emocional, persoal e crítico de fotografar.
CONTIDOS:
Sesión 1 · Ollar a través da máquina
Eixe: parar, observar e coñecer a máquina
- Treinar a observación como principio da fotografía.
- Familiarízate coa máquina e como aproveitar as súas posibilidades.
- Práctica guiada durante a sesión.
- Desafíos fotográficos entre sesións para experimentar e treinar o ollar.
Sesión 2 · A luz
Eixe: ver e comprender a luz
- Observar como cambia a escena segundo o tipo de luz.
- Aprende a “ler” a luz antes de disparar.
- Práctica guiada durante a sesión.
- Desafíos fotográficos entre sesións para poñer en práctica a observación da luz.
Sesión 3 · Composición e encadre
Eixe: seleccionar e contar a túa historia visual
- Inspírate e imaxina o que queres expresar.
- Aprende sobre encadre, composición, punto de vista e intención visual.
- Práctica guiada durante a sesión.
- Desafíos fotográficos entre sesións para crear pequenas historias fotográficas.
Sesión 4 · Movemento
Eixe: tempo, ritmo e movemento
- Observa o que cambia e aprende a capturalo.
- Técnicas para fotografar movemento: do corpo, da escena, etc.
- Práctica guiada durante a sesión.
- Desafíos fotográficos entre sesións para explorar o dinamismo nas imaxes.
Datas e formato
- Domingos, do 1 ao 23 de marzo (4 sesións consecutivas)
- Horario: 11:30–13:30
- Lugar: A Coruña · Manchea (Avda. Navarra 46, baixo)
- Grupo reducido, para coidar os procesos e o acompañamento
- Cámara ou móbil (non é necesario equipo profesional)
Ao remate do curso poderá xurdir unha proposta opcional post-Páscoa para revisar e celebrar o traballo realizado durante as semanas posteriores ao curso.
Inscricións
- Prezo: 120 €
- Prezo reducido: 100 € para inscricións e pagamento realizados antes do 21 de febreiro
Para máis información podes escribir a ffotoeduca@gmail.com