Comentar imaxe da unidade 2
Que emocións che transmite?
Cal é a mensaxe? Quen é esta persoa? Que fai?
Que relación cres que tiña coa persoa que fai a fotografía? Coñecíanse? Porque lle fixo esta fotografía?
Para as que asistíchedes á sesión 2, e as que xa consultáchedes a unidade, que vos apetece comentar sobre a imaxe e a fotógrafa?
Uploaded files:- You need to login to have access to uploads.
Na imaxe vexo unha muller cunha mirada que bascula entre a resignación e a loita. A maternidade no contexto da fame, do baleiro… ela como centro hipnótico dunha tarde de miseria.
A poesía/impacto visual da foto para min, está en non ensinar as miradas dos fillos/as/cativos/as… en descifrar se a herdanza desa ollada se está facendo eco entre as liñas de expresión dos seus ollos de infancia.
Nela como escudo.
Como refuxio.
Esta foto transmíteme desolación. Con esta mirada profunda e valeira, paciente, sen presa... As crianzas de costas, apoiadas a muller que semella ser a súa nai, parecen buscar refuxio ao mesmo tempo que a consolan. É unha imaxe triste que mostra un pouco da situación na que se encontraba unha gran parte da poboación estadounidense en consecuencia da crise.
Basicamente, comparto as impresións das compañeiras.
A foto transmíteme resignación e pobreza, unha mirada á nada, ensimismada nos seus pensamentos. Trátase dunha muller que se atopa nunha situación de crise vital que da acougo e calor ás crianzas que sostén.
Non creo que tivera relación coa fotógrafa, parece un roubado. A fotógrafa intentaba mostrar a relacidade dunha crise e cunha mirada feminista.