O meu nome é Mariola Mourelo Pérez, e levo con ffotoeduca dende o 2009 organizando formacións e espazos creativos para mulleres principalmente, pero tamén para grupos mixtos de adolescentes crianzas e adultes.
Formada en fotografía documental na Universidade de Gales, colexio de Newport, cun posgrau en educación artística para o ensino secundario no Instituto de Educación de Londres, prácticas como asistente de editora para a revista “Afterimage” do Visual Studies Workshop de Rochester, Nova Iorque. Teño realizado diversos cursos no ámbito da fotografía dixital, pedagoxía popular feminista e facilitación de grupos, continuamente actualizando coñecementos e prácticas.
Coa fotografía como base exploramos diferentes temáticas de interés, dende unha perspectiva de xénero e interseccional. O traballo en grupo, a reflexión individual e a exposición e celebración do traballo de tantas mulleres que antes e agora se dedican profesionalmente á fotografía, sendo parte da nosa memoria visual.
A alfabetización visual é unha das características de ffotoeduca, xunto coa pedagoxía utilizada, en que se aprende a ler imaxes, intepretando as mensaxes que estas transmiten e formando unha opinión crítica, como base para entender o mundo que nos rodea.
E por suposto, poñemos teoria e experiencia en marcha, coñecendo o uso dunha cámara, sexa á do mobil ou doutro tipo, co fin de crear as nosas propias respostas visuais.
En ffotoeduca o principal foco está en aprender para a vida, e aprender xuntas.
Este curso supuxo descubrir novas fotógrafas que me inspiraron, aprender sobre feminismo e fotografía, e, sobre todo, conectar coas miñas emocións e compartir coa formadora e coas compañeiras as nosas sensacións, inquedanzas, opinións, curiosidades
Malaika,
aluna do curso “A través dos ollos das mulleres.